Copëzat

Përkundër fokusimit në gazetari të bazuar në të dhëna në vitet e fundit, disa gazetarë ende qëndrojnë larg të dhënave të mëdha. Dhe kur gazetarët përdorin të dhëna, zakonisht është për të hulumtuar diçka negative. Të dhënat zakonisht informojnë hulumtimet gazetareske si psh: Cili qytet ka nivelin më të lartë të krimit? Ku është qeverisja më e dobët? Ku janë pabarazitë më të mëdha ekonomike në bazë të racës?

Ne sugjerojmë në mënyrë ndryshe për gazetarët rreth përdorimit të të dhënave- eksplorimi i devijuesve pozitivë, ose copëza të të dhënave që nxjerrin më të mirën e performuesve. Për shembull: Cili spital në Teksas ka nivelin më të ulët të infeksioneve? Cili vend ka pjesëmarrjen më të madhe të grave në qeveri?

Një devijues pozitiv është sinjal që diçka që ia vlen të bëhet lajm është duke ndodhur. Është detyra e gazetarit për ta bërë storien prapa devijuesit pozitiv- dhe duke bërë diçka të tillë, nxjerr në sipërfaqe informata që mund të jenë të vlefshme për njerëzit kudo që mund të jenë. Ndoshta spitali i Teksasit ka gjetur ndonjë mënyrë për të inkurajuar infermieret për të ngritur zërin kur doktorët nuk pastrojnë duart. Ndoshta autoritetet e burgjeve të shtetit kanë filluar me programe për kujdes të shëndetit mendor dhe trajtimit me barna për posa-të-liruarit nga burgu. Këto janë storie të rëndësishme. (Po ashtu, ka raste kur një devijues pozitiv nuk sinjalizon asgjë. Mund të ketë diçka të çuditshme në të dhëna, funksion i demografikave, ose matje e pa-saktë. Siç e cekëm më herët, është detyra e gazetarit/es ta zbulojë!)

Gazetaria e bazuar në devijues pozitiv funksionon prapa nga rezultatet e të dhënave. Disa gazetarë hezitojnë për t’u futur në gazetari që ofron zgjidhje për shkak të frikës se etiketohen si avokues ose përfaqësues të marrëdhënieve me publikun. Mirëpo me gazetari të bazuar në devijues pozitivë, të dhënat udhëheqin storien- kështu që hedhin poshtë konfuzionin e avokimit.

Herën tjetër kur do të shikoni të dhënat, këtu i keni disa mënyra për të konsideruar copëtimin për gjetjen e një devijuesi pozitiv të rëndësishëm. Kjo tabelë nuk ka për qëllim të jetë shteruese, por përkundrazi të nxisë paksa imagjinatën tuaj.